په افغانستان کې د ترهه ګرۍ خطره هماغه شان باقي پاتې ده
ایکنا د پارس ټوډې له قوله راپور راکړ، په امریکا کې د پاکستان سفیرمسعود خان په یولړ څرګندونو کې په دغه هیواد کې د ناکراریو زیاتیدا ته په اشارې سره ووئيل، له افغانستانه د امریکائي پوځیانو له وتلو وخت راهسې ، په پاکستان کې په ډيرو ترهه ګرو حملو کې څه دپاسه یو زر پنځه سوه کسان وژل شوي او دغه راز په زرګونو نور ټپیان شوي دي .
په امریکا کې د پاکستان سفیر په دې خبرې کولو سره چې دامریکائي پوځیانو له وتلو وروسته په افغانستان کې دترهه ګرۍ خطره هماغه شان شته ، ووئيل، اسلام اباد او واشنګټن فیصله کړې ده ، اوسني ګواښونه له ترهه ګرۍ سره په مبارزې کې د ملګرتیا له لارې له مینځه یوسي.
د پاکستان سفیر په دغو څرګندونو کې وئيلي دي ،د سیمې درست ثبات دافغانستان له وضعیّت سره اړوندیږي او پاکستان او امریکا په وروستیو دوو کلونو کې په امنیتی حوزې کې د دوو اړخیزو ملګرتیاؤ په ساتلو کې بریالي شوي دي .
له دې مخکې هم د پاکستان حکومتی او پوځي چارواکو په دغه هیواد کې د حملو د زیاتیدا مسئولیّت د افغانستان په اوږو وراچولی دی او په دې ادعا سره چې کابل دپاکستان په ضد د افغانستان له خاورې د نه استفادې لپاره خپل مسئولیّت نه اداکوي،، په افغانستان کې ئې د پوځي عملیاتو دترسره کولو په باب خبرداري ورکړي دي.
